گئجه نین بوینونو سارمیش سئویشیر بایقوش لار
گونشین باغرینی قییناخلا دئشیر بایقوش لار
باتاراق ال قانا نیسگیللی گؤزل جئیران لار
اتینی بؤلمک اوچون هئی دیدیشیر بایقوش لار
ایچیلیر ال قانیمیز نوش شفالار دئیه رک
آرزومون مئییتی اوسته گزیشیر بایقوش لار
گونشین قانلی دؤشوندن اود امیبدیر نسیلیم
نییه بس قبریمی تورپاقدا ائشیر بایقوش لار؟
قییناغیزلا قانادین قیردیغینیز مین دورنا
قاپ- قارا پینتی کؤهول لرده بیشیر بایقوش لار
بولبولون قلبی آچیر قان جیغیرین داغلاردا
اؤز قارا مقصدینه تئز یئتیشیر بایقوش لار
منی بوغماقدا ایکن تانری کوبود یالقیزلیق
سنی بایراق ائدرک، گؤر نه شیشیر بایقوش لار
ووقار نعمت
توپلایان: رسول غفارپور در
19 Nov 2008 ساهات
10:0 PM |
ثابت لینک |
